اجراءات فتح ملف بالشؤون وفقاً لقوانين دولة الكويت

السؤال :

شلون اطلع رقم موحد لمؤسستي

السلام عليكم اخواني اتفقت مع مكتب تخليص المعاملات على ان يستخرج لي مؤسسة اقدر احط عليها سيارات . المهم أخذ الفلوس وجابلي رخصة من غير مكتب ولا ملف بالشؤون . رحت المرور علشان احول سيارة على المؤسسة . رفض المرور يحول السيارة لان مافيها رقم موحد . يعني عندي رخصة من غير رقم موحد . دلوني شلون اطلع رقم موحد .

الاجابة :

بالنسبه لفتح الملف بالشؤون كالاتي:

1/ كتاب من التامينات الاجتماعيه حديث باسم مالك المؤسسه
2/ عقد أجار المؤسسه
3/ أخر وصلين أجار للمءسسة
4/ صور البطاقه المدنيه

وتتجه للشؤون اللي تابع لها المحل وتتجه للطباع وتأخذ منه الطلبات يسويلك كتاب تفتيش وتروح بهالطلبات وتسلمهم المعامله والطلبات وراح يطلعون عليك تفتيش خلال 4 ايام من تقديمك وبعد التفتيش تأخذ معاك ورقة الاعتماد مالت التجاره وتتجه للملفات وتقدم معاملتك لهم وهنيه تفتح ملف الشؤون ويكون جاهز العمليه ما تأخذ أكثر من مراجعتين اذا مافيه زحمه بنص ساعه تخلصهم

بالنسبه للرقم الموحد

( كتاب من التأمينات للمالك + عقد اجار + وصل اجار + بطاقه مدنيه + ورقة التجاره اللي راح تختمها لك الشؤون بالخطوات الاولى)

وتروح للمؤسسه العامه للبطاقه المدنيه فوق وأطلب رقم لقسم الشركات وقدم لهم الاوراق وراح يطلعون عليك تفتيش بيومين ويعطونك شهاده مدنيه بالمؤسسة فيها الرقم المدني العمليه ما تأخذ أكثر من مراجعتين كل مراجعة 10 دقايق وتخلص​

بالنسبه للرقم الموحد أنا عملته في ادارة الهجره بمنطقتي عطيتهم صورة الاعتماد + شسهادة البطاقه المدنيه وبنفس الوقت حطولي رقم موحد ​

اعادة نشر بواسطة محاماة نت .