قرض البنك وما تم عليه من اجراءات :
انا عميل باحد البنوك الكويتية اكثر من 22 عام اخذ قرض واسدد قرض شئ عادي بس اخر قرض عام 2006 شئ غير طبيعي عملو لي نظام البالون وانا لا اعلم شنو البالون بعدين دريت ياخذون مني 3 اقساط بقسط واحد القرض + القرض المساند + الفائدة = 500 دينار المهم عندي طبيعي مو مشكلة انا عسكري ومعاشي قوي حتي عام 2008 طلعت تقاعد وجيت للبنك قلت لهم انا متقاعد وخصم من راتبي بعد التقاعد اكثر من 350 دينار يعني المعاش صار ضعيف ابي اسوي تسوية او تقليل نسبة القسط قالو ما يصير حاولة اكثر من مرة ماكو فايدة المهم ضاقة فيني الحالة المعاش ضعيف بالحيل حتي قمت اتسلف لتغطية حتي المصاريف العادية المهم نصحني احد الاخوة المتقاعديين بتحويل راتبي لبنك اخر لان التامينات تحول راتب المتقاعد لى أي بنك المهم اسلم علي المعاش لان عندي ٥ اطفال وامهم وخدامة وسكان اجار ٣٥٠ وحتي سيارة ماعندي
بعد فترة امسكوني النجدة وحولوني للتنفيذ المدني سويت اشكال عند القاضي من تاريخ ٢/١٠/٢٠١٢ مادري كم مدة االاشكال بس رحت للبنك قلت لهم ابي اسوي تسوية من جديد وانا اتكفل بدينكم بس ارفعو عني الضبط والاحضار قالو مايصير أنت متقاعد لازم كفيل معاشة علي نفس البنك صارلي اكثر من ١٠ ايام مو لاقي كفيل ومنو يكفل في هالوقت .
ابي الحل الله يرحم والديكم اذا امسكوني ثاني مرة بعد ماكو اشكال راح اخلص عمري بالسجن .
الاجابة :
بسم الله الرحمن الرحيم
بالإشارة الى الموضوع اعلاه ، و عطفا على طلبكم الرأي القانوني بخصوص قرض البنك وما تم عليه من إجراءات سواء ضبط واحضار أو غيرها من الأجراءات ، نحيطكم علما بأنه :-
عمل منازعة موضوعية في التنفيذ واثبات أن البنك يخالف تعليمات البنك المركزي هذا من ناحية ـ ومن ناحية أخري دعوي ندب خبير لجدولة الدين وطلب وقف الفصل في الأشكال لحين الفصل في الدعوي المرفوعة منك ( ندب الخبير ) ومن ثم رفع الاجراءات .
اعادة نشر بواسطة محاماة نت .
اترك تعليقاً