حكم تشابه الأسماء في القضايا بالمحاكم المصرية.

هنفرق بين حالتين الموكل محبوس و الموكل غير محبوس

اولا: لو الموكل محبوس فى نقطتين :
الاول : لو معاك توكيل و صورة بطاقته تعمل له معارضة و يوم الجلسة تطلب من المحكمة التصريح بعمل التحريات اللازمة لإثبات اذا كان هو المتهم من عدمه و هتاخد التصريح و جواب التحرى من السكرتير و تطلع على التنفيذ فى القسم التابع له الجنحة و هتقدم التحرى فى حافظة مستندات و هتدفع بعدم قبول المعارضة للتقرير بها من غير ذى صفة.
الثانى: مش معاك توكيل منه ولا صورة بطاقته هتنتظر لغاية ما يترحل على النيابة و يعمل المعارضة و تكمل نفس الإجراءات السابقة.
ده انسب حل لو موكلك محبوس و ظهرت له الجنحة فى احد الاكمنة

ثانياً:لو الموكل حر طليق:
هنا هتقدم طلب للنيابة ان اسم موكلك متشابه اسمه مع المتهم فى الجنحة ………… و هتطلب التحرى برضه عما إذا كان هو المتهم من عدمه و ده مدته بتتراوح من ١٥ الى ٣٠ يوم و برضه هتروح بالطلب بعد ما يتم التأشير عليه بعمل التحريات اللازمة الى التنفيذ بالقسم ….. و فى نيابات التنفيذ بيبعت طلب تشابه الاسماء مع مندوب القسم و بيرد لهم الطلب معاه التحريات و فى الحالتين تاخد صوراين رسميتين من التحرى صورة تكون معاك و صورة تكون مع موكلك

 

 

 

للحصول على استشارة مجانية

تفضل الى رقم مكافحة الابتزاز

 

 

لو فى تشابه في الاسم الثلاثي للجنحة و مقيدة باسم المتهم رباعى ده حلها شهادة من الجدول و تخلى الموظف يكتب لك بناءا على طلب غير ذى صفة .

إعادة نشر بواسطة محاماة نت

لمزيد من المعلومات تفضل للتواصل مع محامي متواجد الان

تكلم هذا المقال عن : حكم تشابه الأسماء في القضايا بالمحاكم المصرية