السؤال

السلام عليكم و رحمة الله و بركاته,
مساء الخير يا سادة يا حضرات 🙂
دلوقتي أنا بتقابلني مشكلة… أنا عايش لوحدي لكن أخر الشهر ده أمي و أخويا الصغير هيرجعو من السفر و هيقضو الإجازة هنا.. للأسف إحنا ساكنين في مكان مقطوع, مفيهوش نور, و للأسف زادت فيه جرائم السرقة بشكل فظيع و أنا هيكون ورايا مورسات و شغل فللأسف مضطر أرجعلهم متأخر.. فطبعا عشان أطمئن علي أهلي جيبت طبنجة صوت من السنة اللي فاتت.. لكن بعد موقفين حصلو مع أصدقاء ليا إكتشفت إن الصوت مالوش أي 30 لازمة مع المجرم صاحب السبق و الإصرار.. فدلوقتي أنا عندي سؤال.. لو أنا حولت الطبنجة إنها تضرب بلي, و إستخدمتها في الدفاع عن النفس الشرعي و أنا قاري القانون بحكم إني طالب حقوق قسم إنجليزي, و إلتزمت بكافة الشروط.. هل هيكون عليا أي جريمة بسبب حيازة سلاح غير مرخض و لا لا؟ علما إني معنديش الفلوس إني أشتري حي.. و مضطر جدا أعمل كده عشان أحمي عرض و مال أهلي و بيتي..
لو سمحتو محتاج رد حاسم و قانوني بحت…
شكرا لوقت حضراتكم

الإجابة 
بواسطة محمود حامد
لقانون رقم 394 لسنة 1954 المعدل بشأن الاسلحة والذخائر – لم يطلق التجريم بالنسبة لأي سلاح , وإنما عمد الي تحديد أنواع الأسلحة التي تشملها دائرة التجريم علي سبيل الحصر في جداول أربعة الحقها بالقانون , وهي جدول الاسلحة البيضاء , وجدول الاسلحة النارية غير المششخنه , وجدول الاسلحة النارية , وجدول الأجزاء الرئيسية للأسلحة النارية
ويترتب علي هذا التحديد أن ما لم يرد في هذه الجداول يخرج عن نطاق التجريم , ووفقا لما جاء بالجداول الاربعة المنوه عنها بقانون الاسلحة والذخائر لا يعد سلاحا ما , الاسلحة الصوتية والضوئية , والاسلحة غير الصالحة للإستعمال بتاتا, ويهمنا في هذا الصدد بيان الاسلحة الصوتية , وهي التي لا تصلح للقتل ولا للإذاء , والتي تستعمل في التمثيل أو للابتهاج في المناسبات كمباريات كرة القدم أو الأفراح أو ما نحوها . , وترجع العلة في عدم تجريم هذه الأسلحة الي أنها لم ترد في الجداول الملحقة بالقانون., إذ أن بيان الاسلحة قد ورد علي سبيل الحصر , فلا يجوز القياس عليها أو إضافة أية أداة أخري اليها , هذا فضلا عن انتفاء حكمة التجريم حيث أن هذه الأسلحة لا تؤدي الي القتل أو الايذاء بطبيعتها

ولكن حيازه السلاح الناري المعدل مصقول الماسوره من الداخل ويحمل طلقات معدله لاحداث اصابات على المدى البعيد تحوى مقزوفا من الخرز الصلب مما يشكل خطرا على الامن العام مما يجرم قانونا ….بمعنى تعديل المسدس الصوت يجعل حيازته مجرمه

مروان حامد

المحامى