انتقال المحضون للاقامة في دولة الأم الأجنبية – القانون الكويتي

السؤال :

إماراتيه تبا حل من اهل قانون الكويت ،

اربيعتي ( صديقتي ) معرسه من ريال (رجل) كويتي الجنسيه ولها اكثر من 6 سنوات معرسه بها الريال (الرجل) والله رزقهم بـ (ولد و بنت ) صارت وايد مشاكل بينهم من يوووم هي ما خذتنه وهي تعبانه نفسيتها وتحملت معاه الضراء قبل السراء المهم و الاهم الريال اضارب ويازوجته وساارت عند هلها زعلانه لها كم شهر وف يوم خطفه من جدام البيت ( بيت اهلها ) وسافر الكويت والحرمه صارت مينونه ( مجنونه ) ما تدري وين ولدها واتم تتصل ع ابو الولدها كله مغلق لين ثاني يوم قالت بتتصل ع اهل الريال وكلمت امه قالت من البارحه وهم عندنا

المهم الريال خذا الولد لمدة شهرين و 11 يوووم وتمت ام اربيعتي اتحاول مع الريال قالتله الامور م تنحل بهالطريقه لازم اتيي وتتفاهمون ويا تاريخ . . . . ؟؟ المهم ما اتتصل فيها ولا تعذر هي اللي اتصلت فيه وقالت لازم نتفااهم وانا تنازلت عن اشياء وايده بس عن البيت ما اتنازل لازم لنا بيت ( يعني ايجار) بغرفتين وصاله يعني تبا لها بيت قال لها أن شاء الله قل إللي تبينه يصير اربيعتي استانست (فرحت) قال نزليلي الولد بفصله كنادير ( دشداشه) ونزلت الولد بصافي نيه وما عندها اي خبث ولا شياته

المهم اونه خذا الولد يفصله ثره خذاه وحجز تذاكر وسافر والمسكينه ما فرحت بولدها والحينه تشوفون حالتهاحاله تكسر الخاطر والله نحن نبا حل يرضيها وهذي ام خلكم مكانها لا تقولون هذا ولدناا ولازم نصفق له وانقول له برافووو ع اللي سوواه ترا والله الحرمه ما تدري شوو اتسووي خون فيها وكذب عليها وهو ما يحشم حد لا ( أب ولا خوان ) يحشمهم ابدا وين الحينه اتحس بالامان وين الحينه بتصدقه تقول خلاص ماباه ماباه ابا ولدي الله يخليكم دلوووها شو اتسوي.

الاجابة :

اذا كان زواجها قد تم في الكويت فليس لها حق الانتقال بالابن الى الامارات وبشكل عام فان الحضانة لها (اذا كان المذهب سني)
بشرط ان تقيم في الكويت.

اما اذا كان زواجها اصلا في الامارات وكانت تقيم مع زوجها في الامارات اصلا … فالامر يختلف .

الحضانه لها دام انها كامله الاهليه .و الزوج ملزم حتي بدفع اجر المسكن والخدامه و نفقه الابناء .

اعادة نشر بواسطة محاماة نت .

تكلم هذا المقال عن : انتقال المحضون للاقامة في دولة الأم الأجنبية – القانون الكويتي