السؤال

ابى ميسور الحال لدية عمارة اربعة ادوار ومتزوج من سيدة غير امى فى شقة بها جميع الكمليات وكأنها شقة لواء _ وزير إلخ…

وباقى الشقق قام بتأجيرهم لنفسة هو وزوجتة تاركا امى وباقى اخوتى وايضا له معاش مبلغ وقدرة من التامين والمعاشات تاركا لهم عنوان امه التى تسكن فى شبه عشة فراخ على اساس انة رجل فقير ومش لاقى ياكل ويدولو مبلغ كل شهر . وغير ذلك يريد منى مبلغ كل شهر ويقول لى سوف اشتكيك والقاضى سوف يحكم انى اخد نصف مرتبك .. وانا موظف ادارى فى احدى المدارس وراتبى هذا لا يكفينى واسرتى المكونة من زوجتى وثلاث اولاد وبنت واحدة الحمد لله…لان لدى ايجار شقة ومصاريف مدارس واكل وشرب ووووووووووووو… إلخ فبرجاء افيدونى هل فعلا ممكن ياخد منى فلوس ولو خد هياخد كام.. ومنين ..اذا كان المرتب بيخلص كله يوم 8 فى الشهر ومصاريف عادية (ورابط الحزام) امال لوفكيت الحزام هيخلص المرتب فى يومين ؟؟؟؟؟

انا اسف على الاطالة .. ولكن مش عارف اعمل اية وابويا عايز يشتكينى اعمل اية افيدونى افادكم الله

الإجابة
بواسطة محامي
أخي العزيز يجب أن تتحث في البداية الى وادلك و التعامل معه بالحسنى و تذكيره انك إبنه و فلدة كبده .. و اذا ما بقي والدك على هذا الحال .. فيمكنك شرح هذه المشكلة بماعليها و إثبات أن لديه عقارات و أملاك .. بموجب عقود الإيجار .. أو توجيه اليمين الحاسمة لتحسم أي قضية بينك و بينه .. و أفضل أن تتواصل مع محامي من مصر .. اذا كان والدك قد رفع قضية عليك فعلا .. و المحامي سيتخذ الإجراء المناسب حسب القضية المرفوعة و شكرا
بواسطة طارق فرغل
اخي الفاضل اذا كان كلامك صحيح عن والدك فانت مسئول امام الله عن كلامك

اول حضرتك ملزم بالانفاق علي ابوك وامك ا إذا كانوا فقراء لا مال لهم ، ولا كسب يستغنون به عن غيرهم .

ونفقة الزوجه والاولاد مقدمه علي نفقة الوالدين

وبالتالي اتبع الخطوات الاتي

خلي زوجتك تعمل توكيل لمحام يرفع عليك دعوي نفقة زوجيه ونفقة صغار

وتخليها تقدم في الدعوي كل المستندات اللتي بتؤيد انك ميسور الحال وكمان مرتبك من المدرسه وفيه المكافات

وانشاء الله المحكمة هتحكم عليك بمبلغ كبير وتقريبا في حدود 40% من اجمالي مرتبك

(2) بعد صدور الحكم خلي مراتك تستانف الحكم وانت كما وكل محام تاني يستانف الحكم

وانشاء الله الحكم هيتم تايده

(لو امك عايشه خليها هي كمان ترفع عليك دعوي نفقة واتبع نفس الخطوات

خلي محام مراتك ياخد الصيغه التنفيذيه للحكم ويقدمها للكمدرسه علشان تخصم من مرتبك

ولو عاوز توسع العمليه خليها ترفع عليك دعوي مصاريف مدرسيه وبعد ما تخد الحكم تخلي المدرسه تخصم من مرتبك

المهم بعد الخصم مش هتلاقي في رتبك اي حاجه

وخلي والد بعد كده يرفع عليك دعوي النفقة

واهم حاجه انك تجيب شهادة من التامينات بمعاش الدك هام جدااااااااا وبعدين تطلب تحريات قسم الشرطه عن املاك ودخله

وثالثا تقدم احكام النفقه

انشاء الله دعوي الوالد هتبقي رفض

او نفقه بس بمبلغ 100 جنيه اذا حكمت المحكمة بنفقه اصلا

وشكرا بس انت مسئول امام ربنا علي كلامك

لمزيد من المعلومات تفضل للتواصل مع محامي متواجد الان

تكلم هذا المقال عن : أبى ميسور الحال جداً و يريد منى فلوس كل شهر و أنا ظروفى تعبانة خالص أعمل إيه…