عمل بطاقة على نفس المدينة او البلد ال هتعمل فيه المكتب وذلك بعمل عقد ايجار وتصدق عليه مع المؤجر بالشهر العقارى وتروح بنفسك تقدمها الى السجل المدنى علشان تكون مستعجله

عمل عقد ايجار بالمكتب بعد استخراج البطاقة بالعنوان الجديد والبيانات الجديد

3 ـ تذهب الى الشهر العقارى التابع له المكتب وتاخد اثبات تاريخ ثم تذهب الى مأمورية الضرائب التابع له المكتب وتفتح ملف ضريبى

ثم تذهب الى الغرفة التجارية لعمل سجل تجارى بعد اخذ ما يفيد من الضرائب بفتح ملف مع مراعاة اختيار صفة تجارية للمكتب على ان تراعى هذه الصفة فى فاتورة البيع بجوار الاسم بعدها هتستلم السجل التجارى

5 ـ ثم تذهب الى المرور ومعاك الاتى :

ـ فاتورة البيع للسيارة مختومه من المرور مضاف اليها السمة التجارية للمكتب والسجل التجارى وايصال الضرائب ثم تذهب الى الموظف المختص بعد عمل فحص للسيارة وداه بيكون كالاتىتجيب من هناك نموذجفحص وتجديد ودول 3 ورقات (نموذج تجديد)(نموذج فحص فنى)(نموذج فحص بيئى)ومعاهم ورقه صغيره اللى هى وصل الطفايه و تدفع بوليصه التأمين الاجبارى على عربيتك

تاخد الورق ده والعربيه وتطلع على الفحص وتدى الرخصه القديمه وبطاقتك للظابط الموجود فى وحده الفحص وهو هيملى فى شهاده الفحص الفنى شويه بيانات وتاخد منه الورقه تفحص وكله يبقى تمام وتختم ورقك من المهندس على الفحص وعلى وصل الطفايه(متنساش الوصل ده)وبعد ما تخلص الكلام ده تروح تانى للظابط بتاع وحده الفحص يختملك ختم النسر على ورقه الفحص تقوم واخد الورق تانى وتروح داخل المرور بتشترى دويسه ورق تحط فيه كل الورق بتاعك

هيقوم الموظف بارسال خطاب الى وحدة مباحث المرور لبيان مااذا كان يوجد مكتب من عدمه

بعد ما يجى رد مباحث المرور بتاخد شهادة بيانات وتروح الى مكتب تأمينات السيارات

هيديك جواب الى تأمينات التابع لها المكتب وبعدين هتروح هناك هيدك جواب تفتيش وجواب لاى الصندوق الاجتماعى لاستخراج رخصة والصندوق هيبعتها بجواب الى مجلس المديبنة وهيقوم موظف باللمعاينة وعمل رسم للموقع ويشوفوا اذا كان المكان من املاك الدولة ولا لا
وطبعا موظف التفتيش هينزل يعاين ايضا ويشوف العمال ولازم يكون على الاقل موجود موظف علشان تامن عليه وتامن على المكتب وبعد ما تخلص جوابات التامينات وانا كان مؤمن عليك فى مكان تانى لازم تجيب ما يفيد وجود مديونية من عدمه مع موقفك التأمينى وبعد كده تروح على المرور تقدم الورق

اعادة نشر بواسطة محاماة نت .