الاجراءات القانونية الواجب اتباعها في حالة تغيب العمالة المنزلية – الكويت .

السؤال :

السلام عليكم ..

الموضوع ،عندي خدامه مسجل عليها تغيب قبل جم شهر وجيكت اليوم في موقع وزاره الداخليه مالقيتها بالليسته مالت الكفالات اللي علي .

السؤال ،، وين راحت ؟؟ وهل ممكن الداخليه سفرتها من غير علمي ؟؟ وشلون اتأكد اذا اهيا سافرت ولا بعدها موجوده بالديرة
وشكرا .

الاجابة :

وعليكم السلام ..

بهالحاله الاجراء الصحيح كالاتي :

أولا : شيك على موقع وزارة الداخلية على رقمها المدني اذا اقامتها صالحه معناته محوله لكفيل أخر ،

وقتها توجه الى الهجره التابعه لمنطقتك واستفير منهم (شلون حولوها وهي عليها تغيب دون علمك) روح لمباحث الهجره بنفس الاداره وقدم شكوى .

ثانيا : اذا مالقيت برقمها المدني بموقع الداخليه اقامة صالحه ، أنصحك تتوجة الى إدارة المنافذ بجوار جوازات الفروانية وعطهم بطاقتك المدنيه وأطلب برنتر بأسمها ( دخول وخروج ) بيعطونك حركتها من أول مادخلت الكويت اذا هي داخل الكويت أو مغادره
اذا غادرة أبتعد عن الداب وشجرته والله معاها وفتكيت من تذكرتها ،

واذا داخل الكويت خذ البرنتر واتجه لمباحث الهجره وأبلغهم وهنيه تخلي مسؤوليتك وترتاح .

اعادة نشر بواسطة محاماة نت .